أسئلة عن الطباعة الثلاثية الأبعاد

عند تلاتة السعر = المادة + وقت الطباعة + التحضير: $0.09 للغرام PLA ($0.10 للـPETG، $0.15 للـTPU)، زائد $0.75 لكل ساعة طباعة، زائد $3 عن كل طلب، والحد الأدنى $6. ميدالية الأرزة بتطلع تقريبًا $6 وستاند التلفون تقريبًا $11. حمّل ملفك بالتسعير الفوري لتعرف سعرك التقديري، ومنأكّد السعر النهائي على واتساب قبل ما نطبع.

التسعير الفوري بيقرا ملفات STL وOBJ و3MF. إذا عندك بس صورة أو رسمة أو قطعة مكسورة، ابعتها بنموذج الطلب الخاص أو على واتساب مع القياسات، ومنقلّك إذا فينا نرسمها وقدّيش بتكلّف.

القطعة الوحدة لحد 180 × 180 × 180 ملم، وهيدا حجم الطباعة بطابعتنا Bambu Lab A1 Mini. الأغراض الأكبر منطبعها قطع ومنلزّقها، ومنسعّرها حسب كل حالة.

PLA للديكور والهدايا والمجسّمات ومعظم الأغراض اليومية؛ PETG للقطع اللي بدها تكون أقوى أو تتحمّل المي والشمس وشوية حرارة؛ TPU للأغراض المرنة متل الحمايات والمساكات. ما منطبع ABS أو ASA أو نايلون أو ريزن أو معدن.

لون واحد لكل قطعة، من الخيوط اللي عنا: PLA أزرق بيضوي بالعتمة، PLA Tough أبيض، PLA أسود، PLA بنفسجي، PLA أزرق، PETG أزرق شفّاف، TPU 95A أحمر (مرن). ما فينا نخلط ألوان بنفس الطباعة، بس الموديل اللي مألّف من كذا قطعة فينا نطبع كل قطعة بلون.

التسعير الفوري بيورجيك وقت طباعة القطعة. منأكّدلك تاريخ التسليم والتوصيل على واتساب قبل ما نبلّش، حسب الطلبات اللي قبلك.

كاش عند الاستلام أو عبر Whish Money. الأسعار بالدولار الأميركي. للطلبات الكبيرة فينا نطلب جزء من السعر سلف عبر Whish، ومنقلّك قبل الطباعة.

إيه، منبعت لكل لبنان بـ$5 مقطوعة، بتنحسب لحالها غير سعر الطباعة، وفيك تدفع كاش عند الاستلام.

فينا نسعّرلك الشحن لبرّا، بس لقطعة صغيرة وحدة الشحن غالبًا بيكلّف أكتر من الطباعة نفسها. بيكون منطقي للطلبات الأكبر؛ ابعتلنا بلدك ومنسعّرلك.

بأغلب الأحيان إيه. ابعت صورة القطعة حدّ مسطرة، مع قياساتها وشو بتعمل. المقابض والكبّاسات والأغطية والحوامل البسيطة بتزبط منيح؛ القطع اللي بتحمل تقل كبير أو بتسخن (فوق حوالي 70 درجة) ما بتزبط.

التسعير الفوري بيقرا الملف جوّا متصفّحك، وما بينرفع إلا إذا بعتت طلب. منستعمل ملفك بس لطباعة طلبك وما منشاركو ولا منبيعو.

منطبع بس الملفات اللي إلك حق تستعملها، وما منطبع أسلحة أو قطع أسلحة أو أي شي هدفو الأذى.